БИШКЕК, 12-май — Sputnik. Азербайжан-кыргыз сөздүгү жарык көрдү. Бул тууралуу Тышкы иштер министрлигинин маалымат кызматы билдирди.
Ага ылайык, үстүбүздөгү жылдын 11-май күнү Кыргызстандын Азербайжандагы элчилигинде Г. Алиев атындагы аскер училищесинин профессору Мехтиев Шахисмаил Ахмед Оглы менен жолугушуу болду.
Сөздүк быйылкы жылдын Кыргызстанда "Тарых жана маданият", Азербайжанда "Маданият жылы" деп жарыяланышынын алкагында чыкты.
Аталган сөздүк Азербайжандан Кыргызстанга келүүнү көздөгөн туристтерге багытталган.
Азербайжан-кыргыз сөздүгүнүн бет ачары үстүбүздөгү жылдын сентябрь айында өтөт.
