БИШКЕК, 16-май — Sputnik. Ысык-Ата районундагы Киргшёлк айылында бычакталып өлтүрүлгөн үч аялдын туугандары кылмышка шектүүлөр жоопкерчиликтен кутулуп кетеби деп кооптонуп турушат. Бул тууралуу Facebook баракчасына Александра Палтунина атуу пайдалануучу жазган.
11-май күнү милиция аталган кылмышка шектүү катары Ысык-Ата районунун 21 жаштагы эки тургунун, кийинчерээк дагы 18-20 жаштагы төрт жаранды кармаган.
Алтунина шектелип жаткандардын экөө өлгөн аялдар менен коңшу болуп жашашканын белгилейт. Ал кырсык беш кишинин өмүрүн алганын айтат — үч аял, жарыкка келе элек наристе жана аялдын биринин жолдошу.
"Биз кырсыкка кабылгандардын туугандары катары тергөөнүн объективдүү болушун жана күнөөлүүлөр жоопкерчиликке тартылышын талап кылабыз. Колдогу фактылардын негизинде биз шектүүлөрдүн бул кылмышка тиешеси бар экенинен шек санабайбыз. Бирок кармалгандардын жакындары аларды жоопкерчиликтен кутултуу үчүн болгон аракетин жумшап жатканынан кооптонобуз", — деди Алтунина.
Ал окуяга кайдыгер карабаган адамдардын баарына кайрылып, мыкаачылар жоопкерчиликтен качып кетпеши үчүн жазгандары менен бөлүшүп коюусун
