БИШКЕК, 22-май — Sputnik. Эртең өлкө боюнча күн күркүрөп, жаан жаайт. Бул тууралуу Кыргызгидромет билдирди.
Бийик тоолуу автожолдордо кар күрткүсү түшүп, жолдор тоңголок, тайгак болот. Батыштан соккон шамалдын ылдамдыгы секундасына 4-9 метрден, айрым жерлерде 15-20 метрге чейин жетиши мүмкүн.
Бишкек шаарында жаан жаап, күн күркүрөйт. Абанын температурасы түнкүсүн 12…14 градус, күндүз 20…22 градус жылуу болот.
Ош шаарында дагы жаан жаап, күн күркүрөйт. Абанын температурасы түнкүсүн 15…17 градус, күндүз 22…24 градуска чейин көтөрүлөт.
Кийинки жумада аба ырайынын туруксуздугу жана жаан-чачындан улам республиканын тоолуу жана тоо этектериндеги райондордо сел жүрүшү мүмкүн.
