БИШКЕК, 25-май — Sputnik. Бишкектин кире беришинде тазалык сакталбай, арыктар иретке келтирилбегендиги тууралуу окурман WhatsApp канал аркылуу билдирди.
Бишкекке түштүк-чыгыштан кире бериштеги аймак
© Фото / Ли Галина
Мисал катары окурман Бишкекке түштүк-чыгыштан кире бериштеги аймакты келтирет.
"Бүтүндөй өлкөнүн борборуна кире бериштеги жагдай кантип ушундай болсун? Арыктарды тазалап, акыр-чикирлерди алып, гүл өстүрүп койсо болбойбу", — деп жазат окурман.
Ал мурун шаарга кире бериш жерде гүлдөр өсүп турганын айтып, ал эми учурда бул жерди селсаяктар ээлегенин кошумчалады.
Эгер сиз кайсы бир окуянын күбөсү болуп сүрөткө же видеого тартып алган болсоңуз, медиа файлдарды бизге +996 706 566 544 WhatsApp номерине жөнөтсөңүз болот.
