БИШКЕК, 31-май — Sputnik. "Бишкек парктын" негиздөөчүсү тууралуу тараган маалыматтар буйуртма берилип жазылган. Бул тууралуу Sputnik Кыргызстан агенттигине борбордун маркетинг жана пиар боюнча департаментинин директору Кундуз Мусина билдирди.
Белгилей кетсек, бүгүн Борбор калаадагы ири соода борборлорунун бири "Бишкек парктын" негиздөөчүсү Айдын Мыстачоглуна "алдамчылык" фактысы боюнча айып тагылгандыгы тууралуу маалыматтар тараган. Аны жалпыга маалымдоо каражаттары Экономикалык кылмыштарга каршы күрөшүү кызматына шилтеме берүү менен жарыялашкан.
"Жарыяланган материалдарда эч кандай далилдер менен документтер келтирилген эмес. Ал атайын буйуртма берилип жазылган ушактын деңгээлиндеги маалымат. Бул ишти биз жөн калтырбай сотко кайрылабыз", — деп билдирди Мусина.
"Тергөөчүлөр факты боюнча иш козголгондугун билдиришти. Бирок иш жаңыдан тергөөгө алынып баштагандыктан толук маалымат азырынча бере албайбыз", — деп билдирди Шейшеев.
Анын айтымында окуянын чоо жайы 2-3 күндүн ичинде маалымдалып калышы ыктымал.
