БИШКЕК, 31-май — Sputnik. Мамлекеттик миграция кызматынын өкүлдөрүнөн турган делегация Россия аймагындагы мигранттардын көйгөйлөрү менен таанышып жүрөт. Бул тууралуу ведомствонун маалымат кызматы билдирди.
Иш сапар Кыргызстандын элчилигинде диаспоралар жана эмгек мигранттары менен жолугушуудан башталды. Жумушчу топ андан ары Екатеринбург, Новосибирск, Красноярск жана Омскиге сапар тартышат.
Анда Кыргызстандын Россиядагы элчиси Болот Отунбаев дагы катышкан. Эки тараптуу сүйлөшүүлөрдүн натыйжасында кыргызстандык мигранттарды "кара тизмеден" чыгаруу иш-чарасы улантылмай болду.
Мындан тышкары жумуш берүүчүлөр көпчүлүк учурда мигранттар менен эмгек келишимин түзбөй же маяналарын бербей коюп жаткан көрүнүштөрдү көзөмөлгө алуу маселеси дагы каралган.
