БИШКЕК, 3-июн. — Sputnik. Кыргызстандык кол өнөрчүлөр Бакуда (Азербайжан) өткөн "Түрк дүйнөсү жана анын оюулары" аттуу симпозиумга катышты. Бул тууралуу КР Тышкы иштер министрлиги билдирди.
Маалыматка ылайык, маданий иш-чара 2-3-июнда өтүп, ага Кыргызстан, Азербайжан, Казакстан, Өзбекстандан келген кол өнөрчүлөр катышкан. Ошондой эле мамлекеттик жетекчилер, коомдук уюмдардын өкүлдөрү келген.
КРдин Азербайжандагы элчиси Айжигит Буранов килем токуу Орто Азия жана Түштүк Кавказ мамлекеттеринде кылымдардан бери келе жатканын баса белгиледи.
Борбор Азиядагы кол өнөрчүлөрдү колдоо кеңешинин вице-президенти Динара Чочунбаева маданият бул элдин жашоо образы экенин айтып, аны жайылтуу менен мамлекеттер ортосундагы байланыштарды жаңы деңгээлге чыгарууга мүмкүн экенин айтты.
