БИШКЕК, 3-июн. — Sputnik. Бишкек мэриясы калаа тургундарынын көйгөйлөрүн ыкчам чечүү үчүн "185" кызматын замандын талабына ылайык жаңылоодо. Бул тууралуу муниципалитеттин маалымат кызматы билдирди.
Негизинен "185" кызматынын базасында мэриянын бөлүмчөлөрү, авариялык кызматтарды бириктирген автоматташтырылган борбор түзүлгөн. Ошондой эле 1840 кыска номери, 0554 18-21-85 телефон номери аркылуу whatsapp каналы уюшулган. Ошондой эле мэриянын сайтынан арыздарды кабыл алуу мүмкүнчүлүгү да киргизилди.
Бирдиктүү борбор шаар тургундарынын көйгөйлөрүн тез арада чечүүгө жардам берет.
