БИШКЕК, 6-июн. — Sputnik. КР президенти Алмазбек Атамбаев расмий иш сапар менен келген Россиянын премьер-министри Дмитрий Медведев менен жолугуп, ага Кыргызстан менен Россиянын ортосундагы кызматташтыкты бекемдөөгө кошкон салымы үчүн "Данакер" орденин тапшырды. Бул тууралуу өлкө башчынын маалымат кызматы билдирди.
Атамбаев бул сыйлык элдин достугун бекемдегендерге берилерин баса белгиледи.
"Биздин биринчи болгон жолугушуубузда эле бизге жардам берүүгө аракет кылгансыз. Сиз Кыргызстанга дайыма жылуу мамиле жасап келесиз. Көп жылдардан бери колдооңузду да кыйла сезилерлик", — деди Атамбаев.
Медведев ага ыйгарылган жогорку мамлекеттик сыйлык үчүн ыраазычылык билдирди.
"Бул эки элдин ортосундагы достуктун жана элдин заманбап шартта жашашы үчүн биргеликте жасалган жалпы иштин символу. Россия менен Кыргызстандын достугу чыңдала бериши үчүн мындан ары да бардык аракетимди жумшайм", — деди Медведев.
Жолугушуу учурунда тараптар кыргыз-орус кызматташтыгынын актуалдуу маселелерин талкуулашты.
