БИШКЕК, 10-июн. — Sputnik. Бишкектин Көк-Жар конушунда 9 кабаттуу үйдө өрт чыкты. Бул тууралуу ӨКМ билдирди.
Маалыматка ылайык, тилсиз жоо Көк-Жар конушунун Шоокум көчөсү менен Куйручук көчөсүнүн кесилишиндеги көп кабатуу үйдө чыккан.
"Тилсиз жоо тууралуу билдирүү 10-июнда саат 13:18де түштү. Атайын курам 13:19да чыгып кетти. Алдын ала маалыматтар боюнча 9 кабаттуу үйдүн 9-кабатынжа өрт чыккан. Ал үйдө эч ким жашабайт", — деп айтылат маалымат.
Өрттү өчүрүү үчүн 4 өрт өчүрүүчү унаа тартылды. Маалыматтарга ылайык, кырсыктан жабыркагандар жок. Учурда тилсиз жоо чектелди.
