БИШКЕК, 11-июн. — Sputnik. Сириялык аскерлер Ракка провинциясында "Ислам мамлекети" террористтик топтун жан кечтилеринин мизин кайтарды. Бул тууралуу Sputnik Arabic агенттиги билдирди.
Маалыматка ылайык, кол салган беш кишинин төртөө өзүн жардырып жиберишкен.
"Бешинчиси тирүү кармалды, анын курагы 13 жашта экен. Калган жан кечтилер 16 жашка чейинки өспүрүмдөр болгон", — деп айтылат билдирүүдө.
Өткөн аптада өкмөттүк аскерлер Асрия районунан ИМдин Сириядагы чордону болгон Ракка шаарына чабуулга өткөн.
