БИШКЕК, 14-июн. — Sputnik. Айтылуу Кожожаш мергендин Зулайкасынын ролун жараткан таланттуу актриса Гүлнара Кадралиева каза болду. Бул тууралуу Кинематография департаменти билдирди.
Маалыматка ылайык, сахна жана кино чебери бүгүн 55 жашында көз жумган.
Кадралиева 1961-жылы Сокулукта төрөлүп, 1982-жылы ВГИКтеги Алексей Баталовдун актердук өнөрканасын аяктаган. Кыргызстанга келгенден кийин теле жана радиоберүү боюнча мамлекеттик комитетте, Ысык-Көл облустук драма театрында, "Кыргызфильмде" иштеген.
Эң эле белгилүү образы — Төлөмүш Океевдин "Ак илбирстин тукуму" тасмасындагы Кожожаш мергендин жубайы Зулайканын ролу. Мындан тышкары, бир катар тасмага тартылып, спектаклдерде ойногон.
