БИШКЕК, 18-июн. — Sputnik. "Манас": Саякбай энциклопедиясы" китебинин 15 нускасы Улуттук китепканага берилгендиги тууралуу мекеменин маалымат кызматы билдирди.
Аталган китеп "Саякбай манасчы" фондунун колдоосу менен басылып чыгып, улуттук китепканага белек катары берилди.
"Манас": Саякбай энциклопедиясы" буга чейин чыккан "Сагымбай", "Токтогул", "Алыкул" энциклопедияларынын уландысы болуп эсептелет", — деп айтылат маалыматта.
Басылма сапаты жагынан айырмаланып, окурмандар үчүн терең маалымат берүүчү каражат экени билдирмеде белгиленген.
