Стамбулдагы жарылуудан бир кыргызстандык жаракат алды

БИШКЕК, 29-июн. — Sputnik. Стамбулдагы "Ататүрк" аэропортунда болгон жардыруудан кыргызстандык бир жаран жаракат алганын КР Тышкы иштер министрлигинин маалымат кызматы.

Буга чейин жаракат алгандардын арасында аты-жөнү кыргызстандыктарга окшош эки жаран бар экени кабарланган.

КРдин Стамбулдагы консулдугунун маалыматы боюнча жаракат алгандардын арасында Кыргызстандын жараны Бахтияр Юнусов бар. Жабыр тарткан экинчи жаран Рыфат Салимов Өзбекстандын жараны экени аныкталды.

"Кыргызстандын жарандын сол колу сыйрылган, учурда керектүү медициналык жардамды алууда", — деп айтылат маалыматта.

Консулдуктун өкүлдөрү Бахтиярды барып көрүштү. Алардын айтымында, аны бүгүн ооруканадан чыгарышат. Андан сырткары каза болгондордун арасында кыргызстандык жарандар жок экенин баса белгилешти.

Шейшемби күнү 28-июнда Стамбулдагы "Ататүрк" эл аралык аэропортунда үч жарылуу болгон. Анын кесепетинен бир катар эл аралык каттамдар убактылуу токтогон. Куралдуу кол салуу акыркы маалыматтар боюнча 41 кишинин өмүрүн алып, 239 киши түрдүү жаракаттарды алган.

Жарым жыл ичинде Түркиянын кайсыл жерлеринде кандай теракт болуп, канча адамдын өмүрүн алгандыгын Sputnik Кыргызстандын төмөнкү топтомунан окуңуз>>