ТИМ: Стамбулдагы жан кечтинин бирөө КР жараны деген маалымат тастыкталган жок

БИШКЕК, 30-июн. — Sputnik. Түркиянын Стамбул шаарындагы "Ататүрк" аба майданында жардыруу  жасаган жанкечтилердин бирөө кыргызстандык экен деген маалымат тастыкталбаганын Тышкы иштер министрлиги билдирди.

Белгилей кетсек, бүгүн Түркиянын бир катар ЖМКлары үч жанкечтинин бирөө Кыргызстандын жараны экени аныкталды деген маалыматтарды тараткан. 

28-июнда "Ататүрк" аба майданында болгон жардыруудан 41 киши каза болуп, 239 киши түрдүү жаракаттарды алган.

Маалыматка ылайык, Стамбулдагы консулдуктун кызматкерлери шаардын терроризм менен күрөшүү башкармалыгынын адистери менен жолуккан. Натыйжада жанкечтилердин аты-жөнү, кайсы өлкөнүн жарандары экени такталып жатканын ырасташкан. Башкармалыктын өкүлдөрү үч жанкечти тең Чечен республикасынын жарандары болушу ыктымалдыгын боолголоп жатканы айтылды.

Ошондой эле учурда Стамбулдун терроризм менен күрөшүү башкармалыгы шектүү кишилер ижарага алган батирди таап, кошуна-колоңдорун суракка алып, ишти иликтеп жатканы белгилүү болду.

Белгилей кетсек, бүгүн Түркиянын бир катар ЖМКлары үч жанкечтинин бирөө Кыргызстандын жараны экени аныкталды деген маалыматтарды тараткан.

Жарым жыл ичинде Түркиянын кайсыл жерлеринде кандай теракт болуп, канча адамдын өмүрүн алгандыгын Sputnik Кыргызстандын төмөнкү топтомунан окуңуз>>