БИШКЕК, 9-июл. — Sputnik. Эл аралык футбол федерациясынын мурдагы президенти Йозеф Блаттер тери рагы менен ооруй турганы жана жакында эле сол кулагынын жарымын кестирип, операция болгонун РИА Новости blich.ch басылмасына шилтеме берүү менен билдирди.
80 жаштагы Блаттерге операция Цюрихтеги клиникалардын биринде жасалган. Маалыматка ылайык ал иммундук системасынан жабыркап келген. Айрым басылмалар Блаттер аябай кейип-кепчигендиктен 2015-жылы ноябрь айында ооруканага жаткырылганын жазып чыгышты. Швейцариянын федералдык бюросу аны 2 миллион швейцариялык франкты УЕФАнын башчысы Мишель Платиниге которгон деп кылмыш ишин козгогон.
ФИФАнын этика боюнча комитетинин арбитраждык палатасы Блаттерди футболдон сегиз жылга четтеткен. Бирок аппеляциялык комитет Блаттерге карата жазаны жумшартып, анын мөөнөтүн эки жылга кыскартып, алты жыл деп чечкен.
Учурда ФИФАны Жанни Инфантино башкарып келет.
