БИШКЕК, 12-июл. — Sputnik. Улуу Британиянын премьер-министри Дэвид Кэмерон өз каалоосу менен отставкага кетээрин жарыялагандан кийин ырдап жиберген.
Дүйшөмбү күнү Кэмерон отставкага 13-июлда кетерин айтып, анын ордуна Тышкы иштер министри Тереза Мэй келерин ырастаган.
Билдирме таркаткан Дэвид Кэмерон иштеп турган микрофонду унутуп коюп, кайсы бир обонду созгон бойдон жөнөгөн. Мындай көрүнүш биринчи жолу болуп жаткан жок. Үстүбүздөгү жылдын май айында британиялык премьер микрофон иштеп турганын унутуп коюп Афганистан менен Нигерия дүйнөдөгү эң коррупциялашкан өлкө болуусу мүмкүн экенин айтып салган.
Ал эми өткөн жылдын сентябрь айында болсо микрофон иштебей турат деген ойдо Йоркшир графтыгынын тургундары бардык адамдарды гана эмес, бири-бирин дагы жаман көрөрүн айтып алган. Кийинчерээк ал жөн гана тамашалап койгонун билдирип, актанган.
