БИШКЕК, 12-июл. — Sputnik. Президент Алмазбек Атамбаев Кувейт жана Сербия мамлекеттеринин дипломаттык жана кызматтык паспортко ээ кызматкерлери үчүн визасыз режимди киргизүү тууралуу эки келишимди ратификациялады. Бул тууралуу президенттин маалымат кызматынан билдиришти.
Эки өлкөнүн өкмөттөрү өткөн жылдын декабрь айында келишимдерге кол коюшкан. Документте дипломаттык жана кызматтык паспорттун ээлери аталган өлкөлөргө сапар тартканда виза талап кылбай турганы көрсөтүлгөн. Өлкөлөр ичинде визасыз жүрүү мөөнөтү 90 күнгө созулат.
Президенттин маалымат кызматы, келишимдердин ратификацияланышы өлкөлөр арасындагы мамиленин өнүгүшүнө шарт түзөрүн белгилейт.
