БИШКЕК, 13-июл. — Sputnik. Бишкектин көчөлөрүнө исламдашууга каршы чыккан жарнакты муфтият элдин ынтымагына доо келтирген көрүнүш деп тааныганды. Бул тууралуу Кыргызстан мусулмандар диний башкармалыгынын маалымат кызматы билдирди.
"Баарыбыздын колубуздагы эң кымбат байлык — элдин тынчтыгы менен биримдиги. Муфтият кыргыздын улуттук кийими дин менен улуттук баалуулуктарга дал келерин белгилейт", — деп айтылат маалыматта.
Кыргызстан мусулмандар дин башкармалыгы коомчулукту мындай нерселерге таасирленип кетип, чектен чыкпоого чакырат. Ошондой эле тийиштүү ведомстволорго кайрылып, мыйзам чегинде карап берүүнү суранат.
