БИШКЕК, 13-июл. — Sputnik. Аптаптуу ысыктан кийин 14-июлдан тарта аба ырайы өзгөрүп, айрым аймактарда жаан жаай турганын ӨКМ билдирди.
14-июлдан 17-июлга чейин күтүлүп жаткан нөшөрлүү жаан чачынга байланыштуу республиканын тоолуу жана тоо этектериндеги райондорунда сел жүрүшү мүмкүн.
Мындай жаан-чачындуу аба ырайы айыл чарба иштерин, автоунаа, энергетика жана коммуналдык кызматтардын ишин жана жайыттарда малды кармоону кыйындатарын ӨКМ эскертет.
Ал эми Ош шаарында түндө 26 градуска чейин ысык болсо, күндүз 32 градуска чейин көтөрүлөт.
Ысык-Көл, Нарын облустарында жана тоолуу райондордо айрым жерлерде өткүн өтүп, күн күркүрөшү мүмкүн.
16-июлда өлкөнүн айрым жерлеринде жамгыр жаайт. 17-18-июлда туруктуу эмес аба ырайы сакталып, өткүн өтүп, күн күркүрөйт. Абанын температурасы дээрлик өзгөрүлбөйт.
