БИШКЕК, 13-июл. — Sputnik. Кыргызстан жарандары түшкөн автоунаа Саратов облусундагы жолдо аласалып кетип, анын кесепетинен эки киши каза болду. Бул туурасында аталган аймактын тартип коргоо органдары кабарлады.
Кырсыкка кабылгандардын үчөө жаракат алып, ооруканага жеткирилген.
Полициянын маалыматында, окуя облустун Ершовск районунда болгон.
"Минивэн жолдун жээгине чыгып, ала салып кеткен. Алдын ала маалыматтарга караганда, айдоочу жана анын жанындагы жүргүнчү каза тапкан. Дагы үч киши жарадар болуп, ооруканага жеткирилген", — деп билдирди ИИМдин аймактык башкармалыгынын жетекчиси Дмитрий Рассказов.
ӨКМдин аймактык башчысынын билдиргенине караганда, кырсык Сокорная Балка деп аталган эл жашаган жайга жакын Энгельс — Ершов — Озинки автожолунун 150-чакырымында болгон.
Тартип коргоо органдарындагы маалымат булактардын айтымында, аңтарылып кеткен минивэнге Кыргызстандын автономуру тагылган.
