БИШКЕК, 22-июл. — Sputnik. Канат Жумагазиев Чүй облустук ички иштер башкармалыгынын жетекчиси болуп дайындалды. Бул тууралуу ИИМден билдирди.
Буга чейинки жетекчи Капар Батырканов өз ыктыяры менен жумуштан кеткен.
Мындан сырткары Бакыт Матмусаев ИИМдин баңгизаттарды мыйзамсыз жүгүртүү менен күрөшүү башкармалыгынын жетекчиси болуп дайындалса, Улан Асанбаев Ысык-Көл райондук ички иштер башкармалыгын жетектемей болду.
Уюшкан кылмыштуулук менен күрөшүү боюнча Нарын жана Ысык-Көл облустарындагы башкармалыктын башчылыгына Ильяз Бакиров дайындалды. Ал буга чейин ИИМдин Казакстандагы өкүлү болуп иштеп келген. Эми анын ордуна Азиз Дөөлөсбаев иштей турган болду.
