БИШКЕК, 23-июл. — Sputnik. Ажылык сапарга барчулар атайын окуу курсунан өтүп жаткандыгын муфтияттан билдиришти.
Учурда Ош, Баткен, Жалал-Абад облустарынан зыяратка барчуларга ажылыктын эрежелери, Сауд Арабиясынын ажылыкты аткаруу мыйзамдарын жана коопсуздук эрежелерин сактоо боюнча атайын видео-слайд сабактары өткөрүлүүдө.
Мындан сырткары кыргызстандык ажылардын мейманкана, Мина, Арафат өрөөндөрүндөгү жайгашуу тартиптери туурасында да маалыматтар берилди.
Аталган сабак 25-июлда Чүй облусу боюнча өтүп, андан ары Ысык-Көл, Нарын жана Талас дубандарында да уюштурулат.
