БИШКЕК, 27-июл. — Sputnik. Чычкандарга жүргүзүлгөн тажрыйба көрсөткөндөй аталардын ичкен-жегени анын кызынын көкүрөк рагынын өрчүшүн шартташы мүмкүн. Мисалы, майлуу тамактарды көп жеген аталардын тукумунда рак илдетине чалдыгуу коркунучу жогору болорун РИА Новости Breast Cancer Research журналына шилтеме берүү менен билдирди.
"Бүгүн көпчүлүк окумуштуулар аталардын адаты анын тукумуна кандай таасир бере турганына кызыгып келишет. Бирок бүгүнкү күнү бир да окумуштуу атанын жеген тамагы эмчек рагына кандай таасир этерине кызыккан эмес. Биз эркек кишинин балалуу болгонго чейин жеген майлуу тамактары рак илдетин козгогучтарга кандай таасир берерин иликтеп көрдүк", — дейт Сан-Паулу университетинин окумуштуусу Томас Онг.
Чычкандар төлдөгөндөн кийин алардын балдарына көкүрөк рак илдетин козгогучтарды жайгаштырып,кандай таасир берерин иликтешкен. Мында жаныбарлардын майын жеген чычкандардын тукумунда рак илдети тездик менен жайылганы байкалган.
