БИШКЕК, 27-июл. — Sputnik. Ысык аба ырайынан кийин 28-июлда күн кескин өзгөрүп, бийик тоолуу райондордо кар жаап, айрым жерлерде нөшөрлөгөн жаан жаайт. Бул тууралуу Кыргызгидромет билдирди.
Кээ бир райондордо батыштан соккон шамалдын ылдамдыгы секундасына 18-23 метрге жетет.
Мындай жаан-чачындуу аба ырайы айыл-чарба иштерин, автоунаа, энергетика жана коммуналдык кызматтардын ишин жана жайыттарда малды кармоону кыйындатат.
Ошондой эле тоолуу жана тоо этектериндеги райондорунда сел жүрүшү мүмкүн экенин Кыргызгидромет эскертет.
