БИШКЕК, 9-авг. — Sputnik. Жаа атуу боюнча спорттун чебери аталуу үчүн 80 спортчу ат салышат. Бул тууралуу Sputnik Кыргызстан агенттигине иш-чаранын уюштуруучуларынын бири Асел Шарбекова билдирди.
Шаршемби күнү мелдештин тандоо туру башталып, 10-августта финал өтөт.
"Мелдешке жалпысынан 40 өспүрүм жана 40 чоң киши күч сынашат. Өспүрүмдөр арасында жеңишке жеткендер 2017-жылы Түркмөнстанда өтө турган дүйнө биринчилигине барат. Ал эми чоңдор арасында жеңүүчүлөр спорттун чебери аталат", — деди Шарбекова.
Турнир "Трудовые резервы" стадионунда болот.
