БИШКЕК, 12-авг. – Sputnik. Караганда облусундагы атайын операциянын жыйынтыгы менен теракт даярдоого аракет кылган деген шек менен сегиз адам кармалды.
Аталган айылда террорчулардын бири өзүн жардырып жиберген.
Июлда Казакстандын Коопсуздук боюнча улуттук комитетинин маалымат кызматы шек менен кармалгандардын саны жетиге жеткендигин кабарлаган. Аталган кызматтын маалыматында, кармалгандар теракт жасагандан кийин Сириядагы согуштук аракеттерге катышып жаткандардын катарына барып кошулууну пландаган.
"Карагандыдагы атайын операциянын жыйынтыгы менен облуста сегиз адам кармалып, аларга "террорзим", "террордук уюмду түзүп, жетектеп жана анын ишмердүүлүгүнө катышкан", "куралды, жардырыла турган заттарды мыйзамсыз сактап, башкаларга берип жана алып жүргөн", "куралды мыйзамсыз даярдаган" деген беренелердин негизинде кылмыш иши козголгон. Учурда иликтөө, тергөө иштери жүрүп жатат", — деп билдиришти аталган комитеттен.
Ведомстводон иликтөөнүн кызыкчылыгы үчүн башка маалыматтар берилбей тургандыгын белгилешти.
