БИШКЕК, 17-авг. — Sputnik. Бишкек — Торугарт жолундагы Куакы ашуусунда жол кырсыгы катталып, эки киши каза болду. Бул тууралуу ӨКМ билдирди.
Маалыматка ылайык, Toyota Hilux Surf үлгүсүндөгү унаанын айдоочусу рулду башкара албай, машина аласалып кеткен. Натыйжада окуя болгон жерде унаа ичиндеги 47 жана 17 жаштагы эки жүргүнчү каза болгон. Айдоочусу менен бир 10 жаштагы кыз оор абалда ооруканага жеткирилген. Дагы бир киши эч кандай жаракат алган эмес.
Кырсык болгон жерге келген куткаруучулар жаракат алгандарга биринчи жардам көрсөтүп, каза болгондорду унааны кесип алып чыгышкан.
