БИШКЕК, 22-авг. — Sputnik. Олимпиаданын акыркы күнү эркин күрөштө коло медаль үчүн болгон монголдук жана өзбекстандык балбандардын беттеши чоң ызы-чуу менен аяктады. Бул тууралуу The New York Times басылмасы билдирди.
Монголдук Мандахнаран Ганзориг менен өзбекстандык Ихтиер Наврузов коло медаль үчүн 65 килограммга чейинки салмак категориясында ат салышкан.
La protesta más insólita de #Rio2016. Los entrenadores de #Ganzorig #MGL reclamaron el bronce sacándose la ropa pic.twitter.com/amPbIDKcDE
— Sebastián Amaya (@sebaamaya) 21 августа 2016 г.
Беттешүү 7:6 эсеби менен монголдук балбандын пайдасына аяктаган. Жеңишти майрамдай баштаганда таблодо 7:7 эсеби күйүп, андан соң өзбекстандык балбанга бир упай ыйгарылып, жеңүүчү аталды.
Мандахнаран Ганзоригдин машыктыруучулары калыстар менен талаш-тартышка түшүп, чечим акыркы экенин билгенден кийин килем үстүнөн чечинип, ал жактан чыгып кетүүдөн баш тартышкан. Аларды арбитрдин кызыл картасы да токтото алган эмес.
