БИШКЕК, 26-авг. — Sputnik. Быйыл 71 миллионго жакын жаштар жумушсуздуктун көйгөйүнө туш келет, бул былтыркы жылга салыштырмалуу 500 адамга көптүк кылат. Мындай маалыматты Синьхуа агенттиги Эмгек боюнча эл аралык уюмдун докладына таянып таратты.
Документти даярдаган авторлордун бири Стивен Тобин мындай көрүнүштү экономикасы күчтүү өлкөлөрдө анын өнүгүшүнүн жайлап, ал эми бир катар мамлекеттерде такыр эле токтоп калышы менен байланыштырган.
Аталган уюмдун докладында жумушка орношууда аялдар менен эркектердин арасында айырмачылыктар бар экени белгиленген. 2016-жылы жаш делген категорияга кирген эркектердин 53,9 пайызы, ал эми кыз-келиндер арасында 37,3 пайызы иш менен камсыздалган. Мындай айырмачылык Түштүк Азия, Орто Чыгыш жана Түндүк Африка аймактарында байкалган.
