БИШКЕК, 26-авг. — Sputnik. Балет бийчиси Марат Сыдыков эл аралык сынактан күмүш медаль менен кайтты.
Маалыматка ылайык, конкурс Кореянын Сеул шаарында 13-ирет өтүп, Сыдыков эркектер арасындагы сеньора категориясында айырмалана алган.
Бул Марат Сыдыковдун эл аралык аренадагы төртүнчү сыйлыгы.
Ал биринчи коло медалын 2014-жылы Сочи шаарында өткөн "Дүйнөнүн жаш балетчиси" сынагында жеңип алган. Ал эми 2015-жылы Сеулда коло утса, 2016-жылы Пермь театрында өткөн сынакта байгелүү орунга жеткен.
