БИШКЕК, 27-авг. — Sputnik. Москвадагы өрттөнгөн басмаканадагы жабыркаган кыргыздардын абалы оор бойдон калууда. Буга чейин Алтуфьевск шоссесиндеги басмаканадагы тилсиз жоодон көз жумгандардын саны 17 деп кабарланган. Өрт — электр лапмасынын замдарынын кызып кеткенинен чыккан деген версия айтылды. Россиянын тергөө комитети бул боюнча кылмыш ишин козгоду.
№36 шаардык ооруканада иштеген медициналык кызматкер 20 жана 23 жаштагы кыргызстандык эки жигит келип түшкөндүгүн жана алар Россия аймагында мыйзамсыз жүргөнүн айтты.
"Күйүк бөлүмүнөн кайра жандандыруу бөлүмүнө которулду, экөөнүн тең абалы оор", — деди медкызматкер.
Склифосовский атындагы ооруканага жеткирилген аялдын жашы азырынча тактала элек. Аталган жайдын кызматкерлеринин маалыматында, ал дагы оор абалда жатат жана өмүрүн сактап калуу үчүн бардык аракеттер көрүлүп жатат.
Ооруканадан алардын туугандары менен байланышууга мүмкүн болду деп айтышты.
ТИМдин тактаган маалыматтарына таянсак, каза болгон кыргызстандыктардын саны – 15 адам.
Жогоруда айтылган ооруканаларга КРдин Россиядагы элчислигинин кызматкерлери чыгып кетти, ал эми аза болгон жарадын аты-жөнү такталууда.
