БИШКЕК, 1-сен. — Sputnik. Көчмөндөр оюнунун жабылуу аземинде (8-сентябрь) бир катар дүйнөлүк жылдыздар ырдай турганын ДКОнун катчылыгы билдирди.
Иш-чаранын жабылышына 80-жылдарда жылдызы жанган франциялык Ottawan тобу келет. Мындан тышкары, "А'Студио" тобунун мурунку солисти Полина Гриффис, легендарлуу топ "Город 312" жана Казакстандын "Аюми" тобу, Turkvizyon-2013 сынагынын жеңүүчүсү азербайжандык Фарид Хасанов, Turkvizyon-2014 сынагынын финалисти түркиялык Килич Фунда өз өнөрүн тартууламакчы.
Өз талантын Якутиядан келген дуэт — Евгений Золотарев менен Намгар Лхасаранов да көрсөтөт.
Мындан тышкары, белгилүү кыргызстандык бийчи Жан Воинов менен 2011-жылы АКШнын "Даңк мүнөтү" сынагынын финалисти Снап Бугие (Жаилон Андраде) бийлей турган болду.
Sputnik Кыргызстан маалымат агенттиги жана радиосу Көчмөндөр оюндарынын расмий медиа өнөктөшү.
