БИШКЕК, 2-сен. — Sputnik. Казахстан президенти Нурсултан Назарбаев Өзбекстанга баруу үчүн Кытайга болгон иш сапарын токтотпойт. Бул туурасында Новости-Казахстан Ак-Ордонун маалымат кызматына шилтеме берүү менен билдирди.
Анын оор абалда жаткандыгын Өзбекстандын өкмөтү кабарлаган.
Учурда Казакстан лидери 4-5 сентябрда болуучу G-20 саммитине катышуу үчүн Кытайдын Ханчжоу аймагында жүрөт.
"Маалымат кызматы учурда Казакстан мамлекетинин башчысы G-20 саммитине катышуу үчүн жумушчу иш сапар менен Кытайда жүргөндүгүн кабарлайт. Президенттин иш сапарынын күн тартибин өзгөртүү боюнча планы жок", — деп билдирди маалымат кызматы.
Ал арада Каримовдун киндик кан тамган шаары Самаркандда коопсуздук чаралары күчөтүлдү. Өлкөнүн жарандары жума күндөгү намаздан кийин кандайдыр бир кабар угууга кулак түрүп турган чагы.
Буга чейин бир катар маалымат каражаттары Каримовдун дүйнө салгандыгы боюнча кабарларды жазып жиберген.
