БИШКЕК, 12-сен. — Sputnik. Сирияда согуш отун токтотуп туруу тартиби киргизилди деп билдирди РИА Новости. Буга чейин Россиянын Куралдуу күчтөрүнүн Башкы штабынын Башкы ыкчам башкармалыгынын жетекчиси генерал-лейтенант Сергей Рудской бул тартип Москва убактысы боюнча саат 19.00дөн (Бишкекте 22:00) тарта киргизилерин айткан.
"Бул тартипти сактап туруу үчүн россиялык тарап зарыл болгон бардык даярдыктарды көрдү", — айткан ал.
Рудской РФ менен АКШ 9-сентябрда Женева шаарында согуш отун токтотуу келишимин кайра жандантып, Алеппого гуманитардык жардам жөнөтүү боюнча бир пикирге келгендигин эске салды.
"Аталган иш-чараларды жасоо боюнча бардык провинцияларда өлкө аймагында касташкан тараптарды жараштыруу үчүн россиялык элдештирүүчү борбор тарабынан ыкчам топтор ишке кирди", — деп айткан ал.
