БИШКЕК, 14-сен. — Sputnik. Рио-де-Жанейродо өтүп жаткан оюндарда паралимпиадачылар жарышта чуркап, Олимпиада чемпиону жеткен көрсөткүчтөн ашып кетишти. Бул тууралуу америкалык Нuffington Рost агенттиги жазып чыкты.
WHAT A RUN, BAKA ABDELLATIF #RioRecords!! Congrats Algeria! #Gold #Rio2016 #Athletics #Paralympics https://t.co/rRxzyDQHpv
— IPC Athletics (@IPCAthletics) 11 сентября 2016 г.
Төрт спортчу 1500 метр аралыкка америкалык Олимпиада чемпиону Мэттью Центровицке караганда эртерээк чуркап келишкен. Центровиц ушул эле стадиондо бир ай мурун Олимпиада оюндарында чуркаган.
Финалдык чуркоого көзү 10 пайыз гана көргөн спортчулар катышкан. Алар алты метр алыстыкка чейин гана көрө алышат. Жарышта биринчи болуп алжирлик Абделлатиф Бака келип, 3:48,29 көрсөткүчү менен дүйнөлүк рекорд жаратты. Күмүш медалга эфиопиялык Тамиру Демиссе татыды (3:48,59). Ал эми коло медалга кениялык Генри Кирва ээ болду (3:49,59). Марага төртүнчү болуп алжирлик Фуад Бака келди (3 мүнөт 49,59,5).
Аталган төрт спортчу тең Олимпиада оюндарынын чемпиону Мэттью Центровиц көрсөткөн убакыттан (3 мүнөт 50,00 секунд) эрте келишкен.
