БИШКЕК, 27-сен. — Sputnik. Ысык-Көлдүн Ак-Терек айылында суунун деңгээли көтөрүлүп көпүрөнү алып кетти. Бул тууралуу ӨКМ билдирди.
Маалыматка ылайык, бүгүн, саат 14:30да Ысык-Көл облусунун Тоң районундагы Ак-Терек айыл аймагында мөндүр аралаш жаандын кесепетинен Кызыл-Туу айлындагы Ак-Терек суусунун деңгээли көтөрүлгөн.
Анын кесепетинен август айында убактылуу каттамга салынган көпүрөнү агызып кеткен.
Учурда жеринен чара көрүү үчүн ӨКМдин ыкчам тобу, Тоң районунун Жарандык коргонуу кызматы тиешелүү иш-чараларды аткарууда.
