БИШКЕК, 1-окт. — Sputnik. Германиянын Шверин шаарында жергиликтүү жарандар менен чет элдиктердин ортосунда мушташ чыкты. Бул туурасында РИА Новости dpa агенттигине шилтеме кылып билдирди.
Жума күнү болгон кагылышууга 40ка чукул адам катышкан. Окуя болгон жерге жетип келген полиция жаатташкан тараптарды ажыратууга үлгүрүп калган. Бул боюнча полиция "коомдук тартипти бузду" деген айып менен кылмыш ишин козгоду.
Тартип коргоочулардын көз салып тургандыгына карабастан, чет элдиктер менен немистердин мушташы улам кайталанып турат. Полициянын өкүлүнүн айтымында, 20-30 кишиден турган, жашы жете элек мигранттар тобу, аны менен катар эле жергиликтүү элдин жаштары борборго көп топтолот.
Өткөн шейшемби күнү сириялык эки мигрант башка чет элдиктердин тобуна бычак такап коркуткан. Чоочундарды ажыратам деген жергиликтүү жаран жөн жерден токмок жеп, полиция тартип бузгандардын изин суутпай кармаган.
