БИШКЕК, 2-окт. — Sputnik. 3-октябрда түнкүсүн Ысык-Көл, Нарын облустарынын айрым жерлеринде жаан жаап, тоолуу райондорго кар түшөт. Бул тууралуу Кыргызгидромет билдирди.
Маалыматка ылайык, өлкө аймагында батыштан соккон шамалдын ылдамдыгы секундасына 4-9 метрге жетсе, Ысык-Көл акваториясында түнкүсүн 15-20 метрге жетет.
Бишкек шаарында 17 градуска чейин жылуу болсо, Ош шаарында күн 20 градуска чейин көтөрүлөт.
Таласта күндүз 12 градус, Ош, Жалал-Абад, Баткен облустарынын дыйканчылык аймактарында 22 градус жылуу болот. Нарын менен Ысык-Көл облусунда күн 13 градусту көрсөтөт. Ал эми Нарын облусунда түнкүсүн абанын температурасы 3 градуска чейин төмөндөйт.
