Данияр Арпачиев: Караколдо кардан улам алты трансформатор иштен чыкты
Каракол шаарында кардын кесепетинен улам алты трансформатор иштен чыкты. Бул тууралуу калаа башчысы Данияр Арпачиев Sputnik Кыргызстан агенттигине билдирди.
Эске сала кетсек, 2-октябрь күнү жааган кардан улам бактардын бутактары сынып, электр зымдарын үзүп, шаардын айрым жерлери жарыксыз калган.
"2-октябрдан кийин кечээ күнү жарыктар берилген. Бирок катуу кардан улам 6 трансформатор иштен чыккан экен, учурда аларды калыбына келтирүү жүрүп жатат. Ошол трансформаторлорго кошулган 300дөй түтүн жарыксыз отурат", — деди Арпачиев.
Шаар мэри маселе түштөн кийин чечилип каларын кошумчалады.
