Аталган аукцион 11-октябрь күнү өтүп, ага бардык каалоочулар катыша алат.
1992-жылы Түркиядан келген насыянын арты менен курулуп баштаган мейманкана 1995-жылы "Манас" эпосунун 1000 жылдыгы белгиленгенде алгачкы конокторун тоскон.
Анткен менен 1999-жылы мейманкана кудуретсиздик абалын жарыялап, Түркиялык Sistem Muhendislik Insaat Sanayi ve Ticaret A.S. ишканасынын менчигине өткөн. Алар атын "Пинара" деп өзгөртүп, 2005-жылга чейин иштетишкен. Ал эми ошол жылы мейманкана Руслан Сарымсаковго өткөн.
Түркиялык инвесторлор Сарымсаков мейманканы тартып алганын айтып, Женева сотуна кайрылган. Женева соту Кыргызстанды күнөөлүү деп таап, 11 миллион долларга жыккан.
Ал эми кыргыз бийлиги аталган мейманканын ээсин сотко берип, утуп алган. Ушундан улам мейманкана сатыкка коюулуп жатат.
