БИШКЕК, 10-окт. — Sputnik. Кыргызстандын тышкы иштер министринин орун басары Эмил Кайкиев АКШ жана Улуу Британиянын элчилери менен жолугушуу өткөргөнүн министрликтин маалымат кызматынан кабарлашты.
"Эмил Кайкиев АКШнын элчиси Шейла Гуолтни менен Улуу Британиянын элчиси Робин Орд-Смит менен жолугушту", — деп айтылат маалыматта.
Билдирмеге караганда тараптар терроризмди алдын алуу жана ага каршы күрөшүүдө маалымат менен алмашуу боюнча макулдашууга келишти.
Белгилей кетсек, Ишемби күнү АКШнын, ал эми жекшемби күнү кечинде Улуу Британиянын элчиликтери октябрь айында Кыргызстанда терактылар болушу мүмкүн деген маалымат таратты.
