БИШКЕК, 12-окт. — Sputnik. Улуттук коопсуздук боюнча мамелкеттик комитет өмүрү үчүн кооптонгон Өмүрбек Текебаевди коргоого даяр. Бул тууралуу аталган мекеменин маалымат катчысы Рахат Сулайманов билдирди.
Эскерте кетсек, кечээ, 11-октябрь күнү "Ата Мекен" фракциясынын лидери Өмүрбек Текебаев бир катар элчиликтер эскерткен терактыларды Кыргызстандын атайын кызматтары уюштурушу мүмкүн экенин айткан. Мындан тышкары, өзүнүн өмүрү үчүн кооптонуп жатканын белгилеген.
"Биз аны кайтарууга даярбыз", — деди Сулайманов.
Анын айтымында, бул үчүн Текебаев УКМКга мыйзамдуу түрдө кайрылышы керек.
