БИШКЕК, 16-окт. — Sputnik. Москва шаарында кыргыз кыздардын арасында сулуулук сынагы өтүп жатканын аталган калаадагы кыргыз маданият борбору билдирди.
Маалыматка ылайык, конкурска 18 жаштан 32 жашка чейинки кыз-келиндер катышууда.
"Кыздар Интернетке жарыяланган жарыя боюнча келип, 12 кыз тандалды. Сынакта кыз-келиндердин баскан-турганы, кол өнөрчүлүгү, тамак-аш жасоо жөндөмү, чач жасалгалоо, бий өнөрлөрү, кыргыздын салт-санаасын билүүсү, улуттук кийими боюнча бааланат. Сынактын максаты — ушундай иш-чаралар аркылуу баарлашып, маданиятты көтөрүү болуп саналат", — деди калыстар тобунун мүчөсү, дизайнер Элгазы Сапар уулу билдирди.
Сынак Бишкек убактысы менен саат 17.30да башталды. Кыз-келиндердин баарына күмүш зер буюмдары тартууланып, жеңүүчүгө таажы кийгизилет.
