БИШКЕК, 17-окт. — Sputnik. Чүйдө чабан аскадан кулап каза болду. Бул тууралуу ӨКМ билдирди.
Маалыматка ылайык, кырсык үстүбүздөгү жылдын 16-октябрь күнү саат 14:00дө Байтик айыл аймагындагы Кашка-Суу айылынын Бөлтөк жайлоосунда болгон.
"43 жаштагы чабандын жансыз денеси аска бооруна илинип калган. ӨКМдин куткаруучулары аны алып түшүп, милиция кызматкерлерине өткөрүп беришкен", — деп айтылат маалыматта.
Өзгөчө кырдаалдар министрлиги абанын кескин өзгөрүүсүнөн улам сак болууга чакырат.
