БИШКЕК, 22-окт. — Sputnik. Бишкек — Ош жолунун 233-чакырымында (Чычкан капчыгайында) жол кырсыгы болду деп билдирди ӨКМдин маалымат кызматы.
Honda менен карышкан Toyota автоунаасы
© Фото / Эламан К.
Ишемби күнү эртең менен Honda менен Toyota автоунаалары кырсыкка кабылган.
Министрликтин расмий берген маалыматында, жабырланган төрт киши Токтогул райондук ооруканасына жеткирилген. Жеринде куткаруучулар иштеп, мыйрыйып калган автоунааны жолдун жээгине алып чыккан. Ал эми жарадар болгондорду башка автоунаа менен ооруканага алып кеткен.
Sputnik Кыргызстан агенттигинин кабарчысына жабыр тарткандардын бири, Mercedes Benz автоунаасы менен жабырлангандарды алып бара жатып, ал да кырсыкка кабылганын кабарлады. Ал жолдон кетип баратып бакты сүзүп алганын билдирди. Азырынча ӨКМ бул маалыматты тастыктаган жок.
Жабырлануучу экинчи жол кырсыгынан эч ким зыян тартпагандыгын кошумчалады.
