БИШКЕК, 23-окт. — Sputnik. Түркмөнстанда эртеңден баштап президенттик шайлоо кампаниясы башталат. Бул тууралуу жергиликтүү басылмаларга таянуу менен РИА Новости жазып чыкты.
Маалыматка ылайык, Түркмөнстандын Борбордук шайлоо комиссиясы жыйын өткөрүп, президенттик шайлоого болгон календардык планды бекитти.
Эскерте кетсек, өлкө башчысын тандоо 2017-жылдын 12-февралына белгиленип, ага үч саясий партия катышат. Алар: Түркмөнстандын Демократиялык партиясы, Өнөр-жайчылар менен ишкерлердин партиясы жана Агрардык партия.
Түркмөнстанда акыркы президенттик шайлоо 2012-жылы февралда өткөн. 2016-жылы парламент жаңы Конституция кабыл алган, анда президенттин мөөнөтү беш жылдан жети жылга чейин узартылган. Ошондой эле 70 жашка чейин деген жаштык ченем да алынып салынган.
