БИШКЕК, 25-окт. — Sputnik. Шанхай кызматташтык уюмунун саммитине ылайык чектөөлөр киргизилет. Бул тууралуу ИИМден билдиришти.
ШКУга мүчө өлкөлөрдүн өкмөт башчыларынын саммити үстүбүздөгү жылдын 3-ноябрь күнү Бишкек шаарында өтөт.
"Чет жактан келген делегация мүчөлөрүнүн коопсуздугун камсыздоо максатында жарандардагы тапанчалар алынат. Бул кадам "Мамлекеттик коопсуздук жөнүндө" мыйзамына ылайык жасалууда. Иш-чара бүткөн соң тапанчалар мыйзамдуу ээлерине берилет", — деп жазылат маалыматта.
Коопсуздук чаралары үстүбүздөгү жылдын 30-октябрынан тартып 8-ноябрына чейин киргизилет.
Эске сала кетсек, Кытайдын өкмөт башчысы Ли Кэцян 2-ноябрда саммитке катышуу үчүн келери белгилүү болгон.
