БИШКЕК, 29-окт. — Sputnik. Эртең Кыргызстан аймагында күн ачык болуп, бирок, жолдор тайгалак болорун Кыргызгидромет билдирди.
Маалыматка ылайык, Чүй, Талас, Ош, Жалал-Абад, Баткен облустарынын дыйканчылык аймактарында туман түшөт. Автожолдор тоңуп, тайгалак болот.
Батыштан соккон шамалдын ылдамдыгы секундасына 1-6 метрге жетет. Бишкек шаарында түнкү аба + 6 градуска түшсө, күндүз 12 градуска чейин жылыйт. Ал эми Ош калаасында түндө + 6 градус болсо, ал эми күндүз аба 14 градуска чейин көтөрүлөт.
