БИШКЕК, 3-ноя. — Sputnik. Акыйкатчы институтунун өкүлдөрү №61 мектептеги чуулгандуу окуя менен жеринен таанышты. Бул тууралуу КРдин акыйкатчы институтунан билдирди.
№61 мектептин директору Юрий Низовский Акыйкатчы иниститутунун өкүлдөрүнө окуу бөлүмү боюнча орун басары баланы урбагандыгын, жөн гана тарбияга чакырганын билдирген.
"Окуяга окуучулар күбө болушкан. Бул жерде ата-энелер чогулуп, мага кайрылышты. Алар аталган баланы башка класска которуу талабын коюп жатышат. Окуучунун абдан шок экенин айтышууда", — деди директору.
Низовский жабыркаган балынын ата-энеси ага арыз жазбай, түз эле милицияга баргандыгын айтып, тергөө бүткөнчө завуч иштен алынбай тургандыгын кошумчалады.
Өз кезегинде акыйкатчы Кубат Оторбаев мектептерде окуучуларга күч колдонулбашы керектигин баса белгилеп, окуя жеке көзөмөлүнө алынарын билдирди.
